Rusiya MSK-dan prezident seçkilərinə münasibət

Axar.az xəbər verir ki, Məzahir Pənahov seçkilərin yüksək səviyyədə keçirilməsi, şəffaflığın təmin olunması istiqamətində görülən işlər barədə məlumat verib. O deyib ki, 894 beynəlxalq müşahidəçi bu gün səsvermənin gedişini izləyib. Beş milyon 300 mindən çox seçicinin sərbəst, azad şəkildə səs verməsi üçün hər cür şərait yaradılıb. MSK sədri fiziki və görmə məhdudiyyətli, eləcə də cəzaçəkmə müəssisələrində olan vətəndaşların da səsvermə hüquqlarından istifadə etmələri üçün lazımi işlərin görüldüyünü diqqətə çatdırıb.

Nikolay Bulayev Azərbaycanda keçirilən prezident seçkilərini müşahidə etdiklərini söyləyib. Bildirilib ki, şəffaflığın təmin olunması üçün seçki məntəqələrində görülən işlər, xüsusilə də veb-kameraların quraşdırılması təqdirəlayiqdir. O, aparılan müşahidələr zamanı seçicilərin sərbəst şəkildə səs verdiklərinin şahidi olduqlarını vurğulayıb.