Rusiyada yoluxma artdı, Putin pandemiya ilə bağlı iclas çağırdı

Rusiya prezidenti Vladimir Putin Nazirlər Kabineti ilə iclasda vəziyyəti müzakirə edəcək. 

TASS istinadən xəbər verir ki, bu barədə Kremlin sözçüsü Dmitri Peskov jurnalistlərə məlumat verib. O bildirib ki, pandemiya məsələsinin iclasın gündəliyinə salınmasının səbəbi ölkədə son vaxtlar koronavirusa yoluxma hallarının artması olub.

Rusiyada son 24 saatda 25 min 781 nəfər koronavirusa yoluxub, 883 nəfər isə dünyasını dəyişib. Bu yoluxma sayı pandemiya başlayandan bu günə kimi Rusiyada rekord göstərici kimi qiymətləndirilib.