Qrossi: Ukraynada nüvə yanacağının hər qramı hərbi istifadə üçün yoxlanılır

Beynəlxalq Atom Enerjisi Agentliyi (MAQATE) nüvə yanacağının hərbi məqsədlər üçün istifadəsinin qarşısını almaq üçün Ukraynanın atom elektrik stansiyalarında mövcudluğunu davam etdirəcək. Bunu cümə axşamı Bakıda Qoşulmama Hərəkatının təmas qrupunun işində iştirak edən agentliyin baş direktoru Rafael Qrossi deyib. 

"Bir neçə ay əvvəl Ukraynada "çirkli bomba" istehsalının mümkünlüyü ilə bağlı məlumatlar var idi. Biz gəldik, yoxlama apardıq, anlaşılmazlıq, çaşqınlıq, böhranın kəskinləşməsi ehtimalını aydınlaşdıra bildik.  Biz Ukraynada yoxlama aparırıq, hər qram nüvə materialının hərbi məqsədlər üçün göndərilmədiyini yoxlayırıq. Bunu etmək niyyətindəyəm”, - Qrossi Azərbaycanda jurnalistlərin sualını cavablayarkən deyib..

14 noyabr 2022-ci ildə MAQATE Ukrayna hökumətinin tələbi ilə ölkənin nüvə obyektlərinə ekspert missiyaları göndərəcəyini açıqladı. Bu il yanvarın 16-da Qrossi agentliyin "cari münaqişə zamanı nüvə qəzasının” qarşısını almaq üçün Ukraynadakı iştirakını genişləndirdiyini bildirib.


www.anews.az