BMT TŞ Ermənistana real sülh danışıqları aparmaq barədə siqnal verib - Ağacanov

 

O, hesab edir ki, BMT Təhlükəsizlik Şurası avqustun 16-da keçirilən iclasında Ermənistana Azərbaycanla real sülh danışıqlarının aparılmasının zəruriliyini açıq şəkildə bildirib. 

"Ötən həftə BMT Təhlükəsizlik Şurasının "Qarabağda humanitar vəziyyət”ə həsr olunmuş fövqəladə iclası keçirildi. Hesab edirəm ki, bu görüş onun təşəbbüskarı olan Ermənistan üçün uğursuzluqla nəticələndi. Bu nəticə həm də Ermənistan Xarici İşlər Nazirliyinin və bütün erməni diplomatiyasının zəif işinə dəlalət edir. Öz adımdan əlavə edəcəyəm ki, Ermənistan Xarici İşlər Nazirliyinin belə zəif, ən əsası, ardıcıl olmayan işi artıq heç kimi təəccübləndirmir”, - Ağadcanov İnterfaks agentliyinə bildirib.

Onun sözlərinə görə, Ermənistanın xarici işlər naziri Ararat Mirzoyan BMT-də bəyan edib ki, Qarabağda ermənilərin guya ərzaq, dərman, yanacaq və s. "Bununla bağlı mən Ermənistanın xarici işlər nazirinə müraciət etmək istərdim. Əgər siz və qondarma "Qarabağın avtoritetləri” Qarabağ ermənilərinin taleyindən bu qədər narahatsınızsa, o zaman Ağdam-Xankəndi yolu niyə beton plitələrlə bağlanıb? Rəsmi Bakı dəfələrlə bu yoldan yerli ermənilərin ehtiyacları üçün istifadə etməyi təklif edib. Amma Qarabağda hakimiyyəti qəsb etmiş separatçılar bundan imtina edirlər. Deməli, Qarabağ ermənilərini blokadaya salan Ermənistan hakimiyyəti və separatçılar olub. Azərbaycanın bu blokada ilə heç bir əlaqəsi yoxdur”.

Ağadjanov hesab edir ki, buna görə də Ermənistan BMT Təhlükəsizlik Şurasındakı iclasda sülhə nail olmaq üçün Azərbaycanla real danışıqların aparılmasının zəruriliyini birmənalı olaraq qeyd edib.

Ekspert onu da hesab edir ki, Laçın yolu vətəndaşların gediş-gəlişi üçün sərbəstdir, lakin o, xüsusi icazə rejimi ilə işləyir, Ermənistan Silahlı Qüvvələrinin təxribat riski həmişə olduğu üçün bu, tamamilə təbiidir.

 

"Laçın yolu işləyir, dünən daha 60 nəfər oradan Ermənistana gedib. Deməli, bu yolun yenidən bağlanması ilə bağlı bütün söhbətlər İrəvanın və Qarabağ separatçılarının yalanıdır”, -  o vurğulayıb.

Ağadjanov əlavə edib ki, Qarabağdakı ermənilərin seçimi var - Azərbaycan qanunlarına görə yaşamaq, ya da başqa yerə getmək.

 

"Rəsmi Bakı həmişə bəyan edib ki, Azərbaycanın ərazi bütövlüyünə hörmət edən və onun qanunları ilə yaşamağa razı olan insanlar qala bilər. Bu şərtləri qəbul etməyənlərə isə qapılar açıqdır və onlar Qarabağı tərk edib, istədikləri yerdə yaşaya bilərlər. Azərbaycanın hərəkətləri sadə və məntiqlidir - heç kim öz torpağında separatizmə dözmək istəmir. Ona görə də Bakı ermənilərə seçim imkanı verir. Öz suverenliyinə hörmət edən istənilən ölkə belə bir vəziyyətdə Azərbaycan hakimiyyətinin etdiyi kimi hərəkət edərdi”, - ekspert qeyd edib.