Ermənistan Azərbaycana sülh sənədi ilə bağlı təkliflər göndərib - Paşinyan

Ermənistan Azərbaycana sülh sazişinin bağlanması ilə bağlı təkliflər verib və Bakıdan konstruktiv cavab gözləyir. Bunu Ermənistanın baş naziri Nikol Paşinyan Yerevanda gürcüstanlı həmkarı İrakli Kobaxidze ilə keçirdiyi mətbuat konfransında deyib.

"Ermənistan tərəfləri narahat edən bütün məsələlərlə bağlı çox konkret təkliflər və həll yolları təqdim edib və Azərbaycandan konstruktiv cavab gözləyir ki, Ermənistan hökuməti sülh gündəmini irəli sürməyə sadiqdir və bu istiqamətdə fəal səylərini davam etdirəcək", - Paşinyan bildirib. 

Bundan əvvəl Ermənistanın baş naziri Nikol Paşinyan bildirib ki, İrəvan və Bakı sülh sazişi layihəsinin 90%-ni razılaşdırıblar.

Azərbaycan Ermənistanın sülh sazişi layihəsi ilə bağlı 11-ci təklif paketinə cavab verib. 
 
Bundan əvvəl Ermənistanın xarici işlər naziri Ararat Mirzoyan ümid edib ki, Ermənistan və Azərbaycan yaxın vaxtlarda bütün sülh sazişi layihəsini razılaşdıra biləcəklər. 
 
Oktyabrın 24-də Paşinyan və Əliyev Kazanda keçirilən BRICS sammiti çərçivəsində görüş keçirərək xarici işlər nazirlərinə sazişin imzalanması üçün layihəni tamamlamaq tapşırığını veriblər. Bundan əvvəl Ermənistan hökumət başçısı sənədin 80-90% razılaşdırıldığını bəyan edib.
 
Bundan əvəl Ermənistanın baş naziri Nikol Paşinyan bir neçə dəfə Azərbaycana təklif edib ki, sülh razılaşdırılmış bəndlər üzərinə imzalansın. 
 
Paşinyana cavab olaraq Azərbaycan prezidenti bildirib ki, sülh sazişinin razılaşdırılmış bəndləri üzrə müqavilə bağlanması təklifini reallıqdan kənardır. 
 
Bundan əvvəl Azərbaycan Prezidenti İlham Əliyev bildirib ki, sülh sənədi layihəsinin 80%-i artıq razılaşdırılıb. Sadəcə açıq qalan 2 məsələ var. 
 
Hazırda iki ölkə arasında danışıqlar prosesi davam edir. 
 
Gülnar Nazimqızı 
www.anews.az