İrəvanın taleyi Bakıda həll olunur - Deputat

 Son illərdə əldə olunan hərbi və diplomatik nailiyyətlər ölkənin regional mövqeyini gücləndirib. Bunu Milli Məclisin deputatı Zahid Oruc iyulun 8-də keçirilən iclasda çıxışı zamanı deyib. 

Deputat hesab edir ki, Xankəndidə keçirilən İqtisadi Zirvə bu prosesin davamı kimi qiymətləndirilir.

". İndi İrəvanın taleyi Bakıda həll olunur. Zirvə görüşü Azərbaycanın suverenliyinin və ərazi bütövlüyünün beynəlxalq səviyyədə tanınmasına töhfə verib. Toplantıya İran da daxil olmaqla 10-a yaxın ölkə nümayəndəsi qatılıb. Son beş ildə əldə olunan qələbələr Azərbaycanın regional təhlükəsizlik platformasına çevrilməsində rol oynayıb. Rusiya, Türkiyə və İran kimi qonşu ölkələrlə münasibətlərin dinamikası da bu çərçivədə yenidən formalaşır.1990-cı illərlə müqayisədə Azərbaycanın siyasi və hərbi rəhbərliyi ölkənin ərazi bütövlüyünü təmin etməklə yanaşı, milli birliyə də töhfə verib. Xankəndidə Azərbaycanın dövlət bayrağının ucaldılması bu prosesin rəmzi addımlarından biri kimi qiymətləndirilir", - deputat bildirib. 

Azərbaycan ötən həftə Xankəndidə keçirilmiş İqtisadi Zirvədə əldə olunan razılaşmalarla İrəvan-Bakı sülh prosesini sürətləndirməyə çalışır. Zirvəyə İran da daxil olmaqla 10-dan çox ölkə qatılıb.

Gülnar Nazimqızı