XİN Abu-Dabuidəki görüşlə bağlı açıqlama yayıb

10 iyul 2025-ci il tarixində Birləşmiş Ərəb Əmirliklərinin Əbu-Dabi şəhərində Azərbaycan Prezidenti İlham Əliyev və Ermənistan Baş naziri Nikol Paşinyan arasında görüş keçirilib. Görüşdə iki ölkə arasında dövlətlərarası münasibətlərin normallaşması gündəliyinin müxtəlif aspektləri müzakirə olunub.

Rəsmi məlumata görə, liderlər ikitərəfli formatın normallaşma prosesi üzrə məsələlərin həlli üçün ən effektiv yol olduğunu vurğulayıblar və nəticəyönümlü dialoqun davam etdirilməsi barədə razılığa gəliblər.

Tərəflər sərhədin delimitasiyası sahəsində əldə edilmiş irəliləyişi yüksək qiymətləndirərək bu istiqamətdə əməli fəaliyyətin davam etdirilməsi üçün müvafiq dövlət komissiyalarına göstəriş veriblər.

Bundan əlavə, etimad quruculuğu tədbələrinin davam etdirilməsi və ikitərəfli danışıqların genişləndirilməsi ilə bağlı qarşılıqlı razılıq əldə olunub.

Azərbaycan Prezidenti və Ermənistan Baş naziri görüşün təşkilinə və nümayiş etdirilən qonaqpərvərliyə görə BƏƏ Prezidenti Əlahəzrət Şeyx Məhəmməd bin Zayed Al Nəhyana təşəkkürlərini bildiriblər.