ICESCO-nun Baş direktoru İlham Əliyevi təbrik etdi

ICESCO - nun baş direktoru Salim bin Məhəmməd əl‑Malik Azərbaycan Prezidenti İlham Əliyevə tarixi sülh bəyannaməsinin imzalanması münasibətilə təbrik məktubu göndərib.

Məktubda qeyd olunur ki, 8 avqust 2025‑ci il tarixində Ağ Evdə imzalanan bu sənəd Cənubi Qafqazda ümid, harmoniya və dostluq mühitini gücləndirən mühüm hadisədir. ICESCO rəhbəri bildirib ki, bu razılaşma “tarixi zənginləşdirən, dünyanı ruhlandıran, əməkdaşlıq və qarşılıqlı hörmət yollarını açan” mərhələ sayılır.

Əl‑Malik əlavə edib ki, bu nailiyyət Azərbaycan Prezidentinin uzaqgörən rəhbərliyinin və fədakar səylərinin konkret nəticəsidir, eyni zamanda ICESCO-nun təhsil, mədəniyyət və elm sahələrində bu sülh ruhuna dəstək verməyə hazır olduğunu vurğulayıb.

Məktub Azərbaycanın gələcək nəsilləri üçün sülh və inkişaf zəminini möhkəmləndirmək üçün vacib bir addım olduğunu bildirir və ölkələr arasında əməkdaşlıq üçün bünövrə sayır.