Paşinyan İlham Əliyevə təşəkkür edib

Ermənistanın baş naziri Nikol Paşinyan Azərbaycan ərazisindən Ermənistana yüklərin tranzitinə qoyulan məhdudiyyətlərin aradan qaldırılması ilə bağlı qərara görə Azərbaycan prezidenti İlham Əliyevə təşəkkür edib.

Paşinyan bu barədə Moskvada keçirilən Avrasiya İqtisadi İttifaqının Hökumətlərarası Şurasının iclasında çıxışı zamanı bildirib.

O, regionda müşahidə olunan müsbət dinamikanın iqtisadi əməkdaşlığı dərinləşdirmək üçün yeni imkanlar yaratdığını vurğulayıb.

Baş nazir, regional kommunikasiyaların açılmasının bölgənin bütün ölkələri üçün iqtisadi dayanıqlığın gücləndirilməsinə və əlaqələrin genişlənməsinə töhfə verə biləcəyini deyib. Paşinyan Azərbaycanın tranzit qərarını sülhün və sabitliyin təmin olunması istiqamətində mühüm addım kimi qiymətləndirib.