Elçin Əmirbəyov və Jiri Brodski Cənubi Qafqazda təhlükəsizliyi müzakirə ediblər

Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Praqada Çexiyanın xarici işlər nazirinin müavini Jiri Brodski ilə görüşüb.Bu barədə Brodski “X” sosial şəbəkəsində məlumat paylaşıb.

Tərəflər Cənubi Qafqazda təhlükəsizlik məsələlərini müzakirə ediblər.

“Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyovu Praqada salamlamaqdan məmnunam”, — deyə Brodski qeyd edib.

Onun sözlərinə görə, tərəflər həmçinin Çexiya şirkətləri üçün imkanlar, təhsil sektoru və Bakıya birbaşa uçuşlar vasitəsilə turizm sahəsində əməkdaşlıq məsələlərini də müzakirə ediblər.

Elçin Əmirbəyov daha əvvəl CNN Prima News telekanalına müsahibəsində bir sıra mühüm məsələlərə toxunub.