İran: ABŞ ilə danışıqlarda bəzi məsələlər üzrə ortaq nəticəyə gəlinib

İran və ABŞ müzakirə olunan mövzuların əksəriyyəti üzrə ortaq nəticəyə gəlsələr də, bu, yaxın vaxtlarda razılaşmanın imzalanacağı anlamına gəlmir. Bunu Iranın XİN sözçüsü İsmayıl Bəqayi bildirib.

İran Xarici İşlər Nazirliyinin sözçüsü qeyd edib ki, danışıqların hazırkı mərhələsində əsas diqqət müharibənin dayandırılmasına yönəlib və nüvə məsələsinin detalları hələ müzakirə edilmir.

“Düzdür, müzakirə olunan mövzuların əksəriyyəti üzrə nəticəyə gəlmişik. Lakin sazişin imzalanmasının qaçılmaz olduğunu iddia etmək olmaz”, — Bəqayi deyib.

O əlavə edib ki, ABŞ tərəfinin bəyanatlarında yer alan təhdidlər, təzyiqlər və siyasi mesajların ictimailəşdirilməsi Qərb siyasətinin bir hissəsidir.

Bəqayinin sözlərinə görə, Tehran öz mövqeyini yalnız “reallıqlara əsaslanaraq” formalaşdırır.

Gülnar