Prezident Si Cinpinə başsağlığı verib

Azərbaycan Prezidenti İlham Əliyev Çinin Şansi əyalətində kömür mədənində baş vermiş partlayışla əlaqədar Çin Xalq Respublikasının Sədri Si Cinpinə başsağlığı verib.

Prezidentin məktubunda partlayış nəticəsində çox sayda insanın həlak olması və yaralanması xəbərinin “dərin sarsıntı” ilə qarşılandığı bildirilib.

“Bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm”, - məktubda deyilir.