Hikmət Hacıyev NATO-nun xüsusi nümayəndəsi ilə görüşüb

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev NATO-nun Qafqaz və Mərkəzi Asiya üzrə xüsusi nümayəndəsi Kevin Hamilton ilə görüşüb.

Hikmət Hacıyev bu barədə "X" sosial şəbəkəsində məlumat verib.

Görüşdə Azərbaycan-NATO tərəfdaşlığının müxtəlif istiqamətləri müzakirə olunub və tərəflər qarşılıqlı maraq doğuran məsələlər ətrafında fikir mübadiləsi aparıblar.

Hacıyev bildirib ki, Azərbaycan NATO-nun etibarlı tərəfdaşıdır və əməkdaşlığın müxtəlif sahələrində mühüm nəticələr əldə olunub. O, həmçinin Azərbaycan və NATO arasında qarşılıqlı fəaliyyətin gücləndirilməsi istiqamətində əldə olunan irəliləyişin qeyd edildiyini vurğulayıb.