Əliyev Azərbaycanın İstanbul və Qarsdakı baş konsullarını geri çağırıb

Prezident İlham Əliyev Azərbaycanın Türkiyədəki iki baş konsulunu vəzifəsindən geri çağırıb.

Dövlət başçısının imzaladığı sərəncama əsasən, Nərminə Elsevər qızı Mustafayeva Türkiyənin İstanbul şəhərində Azərbaycanın baş konsulu, eyni zamanda Azərbaycanın Qara Dəniz İqtisadi Əməkdaşlıq Təşkilatı yanında daimi nümayəndəsi vəzifələrindən geri çağırılıb.

Prezidentin digər sərəncamı ilə Zamin Məmməd oğlu Əliyev də Türkiyənin Qars şəhərində Azərbaycanın baş konsulu vəzifəsindən geri çağırılıb.