Azərbaycan və Çin prokurorluqları arasında Anlaşma Memorandumu imzalanıb

 Çin Xalq Respublikasının Ali Xalq Prokurorluğunun Baş prokuroru Yinq Yonqun rəhbərlik etdiyi nümayəndə heyəti Azərbaycana rəsmi səfərə gəlib.

Səfər çərçivəsində bu gün Azərbaycan Respublikasının Baş Prokurorluğunda Yinq Yonqla görüş keçirilib.

Görüş zamanı Azərbaycan Respublikasının Baş Prokurorluğu ilə Çin Xalq Respublikasının Ali Xalq Prokurorluğu arasında əməkdaşlığa dair Anlaşma Memorandumu imzalanıb.

Sənədi Azərbaycanın Baş prokuroru Kamran Əliyev və Çin Xalq Respublikasının Ali Xalq Prokuroru Yinq Yonq imzalayıblar.

Görüş zamanı Yinq Yonq “Azərbaycan Prokurorluğunun 100 illiyi (1918–2018)” yubiley medalı ilə təltif olunub.

Medalı Çinli həmkarına Baş prokuror Kamran Əliyev təqdim edib.