Azərbaycan ağırlıqqaldıranları Avropa birinciliyində 15 medal qazanıb

Azərbaycan ağırlıqqaldırma yığması Kosovonun paytaxtı Priştinada keçirilən Avropa birinciliyində 15 medal qazanıb, Azərbaycan Ağırlıqqaldırma Federasiyası (AAF) bazar ertəsi bildirib.
Federasiyanın prezidenti Kamran Nəbizadə yarışda iştirak edən idmançılar və məşqçi heyəti ilə görüşərək nəticələri müzakirə edib.

“Bu gün qazanılan nəticə bizi sevindirir, amma inkişaf etməli, daha çox çalışmalıyıq”, – Nəbizadə bildirib.

AAF-ın vitse-prezidenti Firdovsi Umudov bildirib ki, yığmaya öz çəki dərəcələrində lider olan və Avropa birinciliyində rəqabət apara biləcək idmançılar cəlb edilib.

Yığmanın baş məşqçisi Sərdar Həsənov komandanın qarşıdakı yarışlarda nəticələrini yaxşılaşdırmağa çalışacağını deyib.

Federasiya məlumatında Azərbaycan idmançılarının qazandığı 15 medalın qızıl, gümüş və bürünc üzrə bölgüsünü açıqlamayıb.