Mourinyo: "Yalnız o zaman istefa verərəm ki..."

Cari mövsüm uğursuz çıxışı ilə diqqət çəkən "Çelsi"nin baş məşqçisi Joze Mourinyo komandadan gedəcəyi ilə bağlı yayılan xəbərlərə münasibət bildirib.

Qol.Az-ın "goal.com"a istinadən verdiyi məlumata görə, portuqaliyalı mütəxəssis yalnız bir şərtlə istefa verəcəyini deyib:

"İnsanlar istədiklərini deyə bilərlər. Ancaq bu barədə futbolçulardan soruşmaq lazımdır. Əgər onlar mənə güvənmədiklərini söyləsələr, yalnız o zaman istefa verərəm".

Qeyd edək ki, Premyer Liqasının 8-ci turunda evdə "Sauthempton"a 1:3 hesabı ilə uduzan "Çelsi" 8 xalla turnir cədvəlinin 16-cı pilləsində qərarlaşıb.