“Məqsədimiz Avropa Liqasına vəsiqə qazanmaqdır” – Şəhriyar Əliyev

Bu sözləri Qol.Az saytına açıqlamasında "Kəpəz”in futbolçusu Şəhriyar Əliyev Premyer Liqamızın 8-ci turunda "Rəvan”a qalib gəldikləri oyundan (2:0)  sonra deyib.

Müdafiəçi bildirib ki, əsas məqsədləri çempionatın sonuna kimi turnir cədvəlinin ilk "dördlüy”ündə qərarlaşmaqdır:” Az zaman çərçivəsində toplaşmağımıza baxmayaraq yaxşı oyun sərgiləməyə çalışırıq. Məqsədimiz yuxarı pillələr uğrunda mübarizə aparıb Avropa Liqasına vəsiqə qazanmaqdır”.

Ş.Əliyev  "Rəvan”ın qapıçısı Kostyantin Maxnovskiylə arasında baş verən mübahisə haqqında da danışıb:” Arxadan ayağıma zərbə endirdi və söyüş söydü. O anda özümü güclə saxladım ki, cavab verməyim. Hakim də sağ olsun, gəlib ikimizə də sarı vərəqə göstərdi".

Ş. Əliyev açıqlamasında  növbəti turda  "Xəzər Lənkaran”la keçiriləcək oyun haqda da fikir bildirib: ”Xəzər Lənkaran”la aramızda heyət baxımından ciddi fərq yoxdur. Bizim komandamız da gənc futbolçulardan təşkil olunub.  Elə oyunlar olmuşdu ki, yaxşı oynasaq da, qələbə qazana bilməmişdik. Bu problemi də həll etdik. İndi qələbələri sıralamağı düşünürük”.