Azərbaycan Premyer Liqasında III tura start verilir

Bu gün futbol üzrə Azərbaycan Premyer Liqasında III tura start veriləcək.


Qaynarinfo xəbər verir ki, ilk oyun günündə iki qarşılaşma keçiriləcək. Əvvəlcə "Sabah" öz meydanında "Qəbələ" ilə qarşılaşacaq. Çempionatın ilk turunda uduzan paytaxt klubu turnir cədvəlinin sonuncu pilləsində, əyalət təmsilçisi 4 xalla 2-4-cü yerləri bölüşdürür. 


Komandalar indiyədək Premyer Liqada 11 dəfə üz-üzə gəliblər. Bunların 5-də "Sabah", 4-də isə qonaqlar qələbə qazanıb. Topların fərqində də meydan sahibləri üstünlüyə malikdir - 14:11.


Günün son oyununda isə "Keşlə" "Zirə" ilə üz-üzə gələcək. İki turda maksimum nəticə göstərən "Zirə" 1-ci pillədədir. "Keşlə" isə "Sabah" kimi hər iki turu məğlub başa vurub və hesabında xal yoxdur. 


Komandalar bu günə kimi çempionatda 23 dəfə qarşılaşıb. Bunların 6-də "Keşlə", 7-də isə "Zirə" 3 xal qazanıb. Topların fəriqində qonaqların minimal üstünlüyü var - 28:27.


Azərbaycan Premyer Liqası, III tur


18:00. "Sabah” – "Qəbələ”


Hakimlər: Rauf Cabarov, Namiq Hüseynov, Müslüm Əliyev, Kamranbəy Rəhimov
Hakim-inspektor: Zöhrab Qədiyev
AFFA nümayəndəsi: Əsgər Əmirəliyev
"Bank Respublika Arena".


20:15. "Keşlə” – "Zirə”


Hakimlər: Əliyar Ağayev, Zeynal Zeynalov, Akif Əmirəli, Rövşən Rəcəbov
Hakim-inspektor: Ramil Diniyev
AFFA nümayəndəsi: Ramiz Mustafayev
"ASK Arena".


III turun "Səbail" - "Sumqayıt" və "Neftçi" - "Qarabağ" oyunları sentyabrın 12-də olacaq.


www.anews.az