“Qarabağ”ın qapıçısı Avropada mövsümün ən yaxşısı olub

"Qarabağ”ın rusiyalı qapıçısı Andrey Lunyov cari avrokubok mövsümündə seyvlərinin sayına görə köhnə qitənin qapıçıları arasında ən yaxşısı olub.

"Qafqazinfo” bu barədə "Opta Sports” teleqram kanalına istinadan yayıb.

Mənbənin sözlərinə görə, Lunyov Avropa Liqası və Konfrans Liqasının 8 oyununda komandasını 36 dəfə xilas edib.

O, bu avrokubok mövsümündə qapısına vurulan 47 zərbədən 72%-ni qaytarıb. Eyni zamanda qapıçı avtoqollar istisna olmaqla, 12 qol buraxıb.