İstintaq Nemtsovun qətlinin sifarişçisinin adını açıqladı

Rusiya İstintaq Komitəsi tanınmış müxalif siyasətçi Boris Nemtsovun qətlində şübhəli bilinən şəxslərə elan etdiyi ittiham aktını yekunlaşdırıb. Modern.az Rusiya KİV-nə istinadən xəbər verir ki, komitə qətlin əsas sifarişçisinin adını da açıqlayıb.

"Bu gün istintaq tədbirləri çərçivəsində Zaur Dadayev, Anzor və Şadid Qurbaşev qardaşları, Tamerlan Əsgərxanov və Həmzət Baxayevə mütəşəkkil cinayətkar dəstə tərkibində qətl törətmək və qanunsuz odlu silah əldə etmə, gəzdirmə faktı ilə bağlı yekun redaksiyada ittiham aktı elan olunacaq”.

İsitntaq Komitəsi qətlin təşkilatçısı və sifarişçisi qismində bu gün Rusiya sərhədlərindən kənarda olan Ruslan Muxidinovu görür. Muxidinovun Birləşmiş Ərəb Əmirliklərində gizləndiyi ehtimal edilir.