Dünya pandemiyalara hazır deyil

Ümumdünya Səhiyyə Təşkilatının (ÜST) baş direktoru Dr. Tedros Adhanom Qebreyesus dünyanın epidemiyalara hazır olmadığını vurğulayıb. O, bunu  75-ci Ümumdünya Səhiyyə Assambleyasında çıxışında deyib.   
"Aydındır ki, dünya epidemiyalara hazır deyil. Buna görə də  UST-ə üzv olan dövlətlər arasında birgə bilik və texnologiya mübadiləsini artırmaq üçün keçən il Berlində "Səhiyyə Fövqəladə Nəzarət Bölməsi”ni yaratdıq. Bir təşkilat olaraq, üzv ölkələrin mövcud epidemiyaya, eləcə də gələcək epidemiyalara qarşı texniki, əməliyyat və maddi-texniki cəhətdən daha hazırlıqlı olması üçün səylərimizi davam etdirəcəyik”, – o bildirib.
 
Qebreyesusun fikrincə, "Qlobal sağlamlıq sığortası” planına 1 milyarda qədər və hətta daha çox insanın daxil edilməsi hədəflənsə də indiki vəziyyətdə bu real deyil.

Onun sözlərinə görə, "Qlobal Sağlamlıq Təminatı” planının dünyanın yeni epidemiyalara daha yaxşı hazır olması və daha çox insanın aşağı gəlirli ölkələrdə səhiyyə xidmətlərindən faydalanması üçün əhəmiyyətlidir.
 

www.anews.az