Ukrayna növbəti 50 il ərzində İran sakinlərinə qoyduğu qadağaları açıqlayıb

 

Məlumata görə, qadağalara texnologiya və əqli mülkiyyət hüquqlarını əldə etmək, hərbi və ikili təyinatlı mallarla ticarət əməliyyatları aparmaq, investisiyaların alınması, elektron ödəniş sistemində xidmət göstərmək daxildir.

Yuxarıda göstərilən əməliyyatlarla bağlı İran sakinlərinin Ukrayna ərazisindən resursların tranzitini, uçuşları və daşımalarını tamamilə dayandırmaq təklif olunur.

Baş nazirin müavini - İqtisadiyyat naziri Yuliya Sviridenko bildirib ki, Ukrayna və tərəfdaşlarnın Rusiyaya silah tədarükü ilə birbaşa məşğul olan şəxslərə və şirkətlərə tətbiq etdiyi əvvəlki məhdudiyyətlər təəssüf ki, ciddi xəbərdarlıq kimi qəbul edilməyib. 

 "Arqumentlərimizi gücləndirəcəyik. Biz də çalışacağıq ki, dünyanın mümkün qədər çox ölkəsi belə sərt qərarlara qoşulsun. Ukraynaya qarşı təcavüz cəzasız qalmayacaq. Eynilə, təcavüzkara kömək də cəzasız qalmayacaq”,- nazir bildirib.

 

Bir gün əvvəl "Wall Street Journal” Yaxın Şərq və ABŞ-dakı mənbələrinə istinadən İran Müdafiə Nazirliyi ilə Rusiyanın "Rosoboroneksport” SC arasında 2022-ci ilin sentyabrında İrana 74 mindən çox artilleriya mərmisinin satışına dair bağlanmış müqavilə haqqında məlumat yayıb. Çatdırılmalar Xəzər dənizi vasitəsilə Rusiya gəmiləri tərəfindən həyata keçirilir. Təkcə son altı ayda yük gəmiləri İrandan Rusiyaya 300 mindən çox artilleriya mərmisi və bir milyon patron daşıyıb.