Türkmən prezident də səlahiyyət müddətini artırmaq istəyir

Beş ildən yeddi ilə kimi.

Türkmənistanda vətəndaşların çoxsaylı xahişi ilə prezidentin səlahiyyət müddətinin beş ildən yeddi ilə kimi artırılması məsələsinə baxılır.   

Bu barədə Konstitusiya komissiyasının iclasında Aşqabadda Milli Məclisin sədri (parlament) A.Nurberdıyeva bəyan edib, Oxu.Az "Turkmen dovlet xaberleri”nə (TDH) istinadən xəbər verir.  

O, öz çıxışında qüvvədə olan Konstitusiyanın daxil olan təkliflə əlaqədar dəyişikliklərin və əlavələrin tələb olunduğu bir sıra müddəalarına diqqət çəkib.

Əsasən uzun müddətli proqramların həyata keçirilməsi məqsədilə Türkmənistan Konstitusiyasına (52-ci maddəyə) Türkmənistan prezidentinin səlahiyyətləri müddətinin beş ildən yeddi ilə qədər artırılması təklif edilir.

Məclisin sədri qüvvədə olan Konstitusiyaya işçi qrup tərəfindən təklif edilmiş bir sıra dəyişikliklərin və əlavələrin edilməsi təklifini səsləndirib. Əsasən bu, dövlət rəhbəri vəzifəsinin icrasında yaş həddinin, Türkmənistan prezidentinin əlavə hüquqlarının əlavə edilməsinə aiddir.

Qeyd edilib ki, bu dəyişikliklər daxil olan çoxsaylı təkliflər əsasında formalaşdırılıb. Təkliflər ilkin xarakter daşıyır.

Türkmənistan rəhbəri beş il müddətinə seçilir. 2012-ci ilin fevral ayında cari prezident Qurbanqulu Berdiməhəmmədov ikinci beş illik müddətə prezident seçilib. Növbəti prezident seçkiləri qüvvədə olan Konstitusiyaya müvafiq olaraq 2017-ci ildə keçiriləcək.