Dünyaca məşhur yazıçılar Kremlin Ukraynaya təcavüz fonunda rus ictimaiyyətini aldatmaq üçün istifadə etdiyi təbliğat üsullarını pisləyiblər.
Aralarında Nobel mükafatlı yazarlar Mario Vargas Llosa və Tomas Tranströmerin də olduğu bəyanat müəllifləri son vaxtlar Rusiyada qəbul edilən "söz azadlığına qarşı yönəlmiş qanun sunamisi"nə də etirazlarını bildiriblər.
Yazıçılar İnternet saytlarının məhkəmə qərarı olmadan bağlanmasını. Rusiya tarixinin müzakirə edilməsinin qadağan olunmasını, qeyri-hökumət təşkilatllarına basqıları, "homoseksuallığın təbliğatına qarşı" qanunları da pisləyiblər.
Rusiyanın Ukraynanın Şərqində sabitliyi pozduğunu, bununla da jurnalistlərin normal fəaliyyətinə əngəl yaratdığını, Kremlin Krımı zorakı yolla annaeksiya etdiyini vurğulayan bəyanat müəllifləri oradakı tatarların haqları ilə bağlı dərin narahatlıq keçirdiklərini də bildiriblər.
Azadliq.org
