ANN.Az xarici mətbuata istinadla xəbər verir ki, bunu Türkiyə prezidenti Rəcəb Tayyıb Ərdoğan BMT Baş Assambleyasının Nyu-Yorkda keçirilən sessiyası çərçivəsində Ukrayna prezidenti Pyotr Poroşenko ilə görüşdə deyib.

"Türkiyə Ukraynaya ərazi bütövlüyü və suverenliyinin bərpa edilməsi məsələsində dəstək verməyi planlaşdırır. Bununla yanaşı, Türkiyə-Rusiya dialoqunun bərpa edilməsinə baxmayaraq, bu, Krımın Rusiyaya birləşdirilməsini tanımayan Ankaranın mövqeyinə təsir etməyəcək", - deyə Ərdoğan bildirib.

Xatırladaq ki, BMT Baş Assambleyasının 71-ci sessiyasında dövlət, hökumət və xarici siyasət idarələri başçılarının iştirakı ilə ümumi siyasi diskussiyalar keçirilir.

Bu il Baş Assambleyanın sessiyasında iştirak etmək üçün Nyu-Yorka 130 dövlət və hökumət başçısı, 50 XİN rəhbəri səfər edib. 

Diskussiyalar çərçivəsində 1000-dək görüşün keçiriləcəyi nəzərdə tutulub.

BMT Baş Assambleyasının 71-ci sessiyasında əsasən qaçqın və miqrantların problemi, eləcə də Suriya böhranı diqqət mərkəzində olacaq.