Erməni zorakılığına məruz qalan azərbaycanlı uşaqlar - FOTOLAR

Azərbaycan uşaqlarının hüquqlarını pozmuş, onları öz doğma yurdundan didərgin salmış təcavüzkar Ermənistan hələ də beynəlxalq hüququn tələbləri ilə hesablaşmayaraq, işğal etdiyi ərazilərdən çıxmaq istəmir. 

Ermənistanın hərbi təcavüzü nəticəsində 300 mindən artıq azərbaycanlı uşaq qaçqın və məcburi köçkün düşüb. Münaqişə zamanı 193 uşaq qətlə yetirilib, yaralanan uşaqların sayı isə yüzlərlədir. 

Azərbaycan müharibə dövründə əsir və girov götürülmüş 214 uşağın azad edilməsinə nail olub. 66 uşaq itkin düşüb, 29 uşaq isə hələ də girovluqdadır. 

Əfsuslar olsun ki, 1994-cü ildə atəşkəs rejiminin elan olunmasına baxmayaraq, ermənilərin Azərbaycanda uşaqları qətlə yetirilməsi faktları qeydə alınmaqda davam edir. Bu dövr ərzində 34 uşaq erməni terrorunun qurbanı olub. Onlardan 14-ü həlak olub, 20-si isə yaralanıb.