Sosial Tətqiqatlar Mərkəzinin yaranmasından 3 il ötür

Sosial Tətqiqatlar Mərkəzinin yaranmasından 3 il keçir. 

 

Mərkəz 2019-cü il ölkə prezidentinin fərmanı ilə yaradılıb və ilkin nizamnamə fondu 100.000 (bir yüz min) manat olub. 

 

3 illik fəaliyyəti dövründə daxili siyasətin təhlili, ictimai rəyin öyrənilməsi və sosial iqtisadi məsələlərin təhlili kimi üç fundamental istiqamətdə - ölkə gündəminin ən aktual məsələləri ilə bağlı sosioloji sorğuların aparılması, açıq və qapalı təhlil sənədlərinin, hesabat və arayışların hazırlanması yönündə elmi tədqiqatlar aparıb.

 

Sosial Tətqiqatlar Mərkəzinin fəaliyyət istiqamətləri:

 

- dövlət və cəmiyyət arasında qarşılıqlı münasibətlərin inkişaf dinamikasını və tendensiyalarını təhlil etmək, proaktiv yanaşma əsasında müasir informasiya texnologiyaları və innovativ üsullar vasitəsilə rəy sorğuları keçirmək, ictimai fikri öyrənmək, təhlil etmək və təkliflər vermək, elmi araşdırmalar aparmaq və bu sahədə dövlət orqanları (qurumları) ilə əməkdaşlıq etmək

 

-sosialyönümlü innovativ həll üsulları, müasir informasiya-kommunikasiya texnologiyaları vasitəsilə, habelə internet informasiya resurslarında, sosial şəbəkələrdə aparılan çoxşaxəli fəaliyyətlə cəmiyyət-dövlət təmaslarını gücləndirmək və inkişaf etdirmə

 

-idarəetmə prosesinin təkmilləşdirilməsi, aparılan islahatların səmərəliliyinin artırılması məqsədilə, habelə verilən qərarların, görülən tədbirlərin mümkün təsirlərinə dair sosial tədqiqatlar aparmaq;

 

- ictimai əhəmiyyət kəsb edən müxtəlif mövzularda ictimai dinləmələr, debatlar keçirmək, bu sahədə vətəndaş cəmiyyəti institutları ilə əməkdaşlıq etmək, geniş müzakirə platformaları qurmaq və onları idarə etməkdən ibarətdir.

 

Mərkəzin rəhbəri Milli Məclisin İnsan Hüquqları Komitəsinin sədri deputat Zahid Orucdur.

 

Gülnar Nazimqızı