Paşinyan Ermənistanla Türkiyə sərhədinin açılmasından DANIŞDI

 

"Ermənistanla Türkiyə arasında münasibətlər təkcə danışıqlardan deyil, danışıqlar nəticəsində nəticələrin əldə olunması da çox vacibdir. Bu addımlar xüsusi nüamyəndələrin işi üçün də uğurlu hesab edilə bilər. Biz Ərdoğananla bu barədə danışmışıq. Ümid edirəm yaxın gələcəkdə üçüncü ölkə vətəndaşları üçün də sərhəd açılacaq”, – Paşinyan bildirib. 

 

O həmçinin yeni dəhlizlərin yaradılmasına etiraz etmədiyini də bildirib.

Paşinyan yaxın gələcəkdə Ermənistan və Türkiyə milli futbol komandaları arasında keçiriləcək oyunlar çərçivəsində ölkə liderlərinin bir-birinə səfər etməsinin mümkün olub-olmaması ilə bağlı sualı cavablandırarkən deyib ki,  bu, ümumi vəziyyətdən və hər iki tərəfin siyasi iradəsindən asılıdır. Münasibətlərin tənzimlənməsi üçün müsbət imkanlardan istifadə etmək olar.

 

Türkiyə-Ermənistan srhədlərinin açılmasınn mümkünlüyünü Türkiyə prezidenti Ərdoğan 2020-ci il noyabrın 9-da Azərbaycanla Ermənistan arasında imzalanan atəşkəs razılaşmasından  sonra bildirib. 

1991-ci ildə Ermənistan Sovet İttifaqından ayrılaraq müstəqilliyini elan edəndə onu tanıyan ilk ölkə Türkiyə olub. Lakin il sonra Türkiyə Ermənistanla sərhədini bağlayıb.  Buna səbəb Ermənistanın Azərbaycanın ərazisi olan Dağlıq Qarabağı işğal etməsi olub. 

 

2023-cü il yalvarın 6-da Türkiyə ilə Ermənistan arasında yüklərin birbaşa hava daşınmasına qoyulan qadağa aradan götürülüb. Bildirilib ki, bu iki ölkənin xüsusi nümayəndələrinin səyləri nəticəsində əldə olunan razılaşmadır. 
 
Ermənistan mətbuatı yazır ki, hazırda üçüncü ölkə vətəndaşlarının quru sərhədini keçmək imkanlarını nəzərdə tutan başqa bir razılaşmanın da ən qısa zamanda həyata keçiriləcəyi gözlənilir.

 

Gülnar