Sülhməramlılar bilərəkdən "atəşkəs pozulur" xəbərlərini tirajlayır - Deputat/VİDEO

Qarabağda müvəqqəti yerləşən Rusiya sülhməramlıları məqsədli şəkildə atəşkəsin pozulması xəbərlərini tirajlayır. Bunu aprelin 11-də Milli Məclisin plenar iclasında çıxışı zamanı Sahib Alıyev deyib.

 

"Bu xəbərlər məqsədli şəkildə yayılır. Azərbaycan Müdafiə Nazirliyinin təsdiqləmədiyi xəbərləri necə ola bilər Rusiya sülhməramlıların bületenlərində yer alır. Yəqin ki, sülhməramlılar bunu bilərək edir ki, gələcəkdə Qarabağda qalmaq üçün səbəb göstərə bilsinlər. Hansı ad altında olursa olsun Azərbaycanın heç bir sülhməramlıya ehtiyacı yoxdur", - deputat bildirib.  

 

2020-ci ilin noyabrında Rusiya Azərbaycan və Ermənistan arasında üçtərəfli bəyanat imzalanıb. Bəyanata görə Rusiya sülhməramlıları müvəqqəti Qarabağ ərazisinə yerləşdirilib. Onların fəaliyyəti 5 il müddətinə müəyyən olunub. 

 

 

Gülnar Nazimqızı