Tallində NATO konfransında hərbi təhsilin modernizasiya olunması müzakirə edilib - FOTO

Milli Müdafiə Universitetinin rektoru professor, general-leytenant Heydər Piriyev Estoniyanın Tallin şəhərində hərbi təhsil müəssisələri rəhbərlərinin 52-ci NATO Konfransında iştirak edib.

Konfransda alyansın müttəfiq və tərəfdaş ölkələrinin hərbi təhsil rəhbərləri onlayn təhsilin hazırki və gələcək vəziyyəti mövzusunda ətraflı fikir mübadiləsi aparıblar. Bundan başqa, hərbi təhsilin modernizasiya olunması, bu sahədə informasiya və kommunikasiya vasitələrindən düzgün istifadə, kurikulum və digər üsulların təkmilləşdirilməsi məsələləri müzakirə edilib.

Konfrans ərzində müxtəlif mövzularda brifinqlər təqdim olunub, iştirakçıların sualları cavablandırılıb.

General-leytenant H.Piriyev bir çox təhsil müəssisələrinin rəhbərləri ilə görüşərək hərbi təhsilin inkişaf perspektivləri barədə müzakirələr aparıb.