Milli Məclis Ali Məhkəmə və apellyasiya məhkəmələrinə yeni hakim təyinatlarını təsdiqləyib

Azərbaycan Milli Məclisi bu gün keçirilən iclasda bir sıra məhkəmə təyinatlarını təsdiqləyib.

Qərara əsasən, Sənan Qarayev Naxçıvan Muxtar Respublikası Ali Məhkəməsinin hakimi vəzifəsindən azad edilərək Azərbaycan Respublikası Ali Məhkəməsinin hakimi təyin olunub.

Eyni qərarla İlkin Abdullayev Xankəndi Şəhər Məhkəməsinin sədri vəzifəsindən azad edilərək Ali Məhkəmənin hakimi təyin edilib.

Bakı Apellyasiya Məhkəməsinə aşağıdakı hakimlər təyin olunublar:

Aytən Əliyeva – Bakı Ağır Cinayətlər Məhkəməsinin hakimi
Telman Hüseynov – Bakı Ağır Cinayətlər Məhkəməsinin hakimi
Elnur Nuriyev – Bakı Ağır Cinayətlər Məhkəməsinin hakimi
Fərid İsmayılzadə – Şəki İnzibati Məhkəməsinin hakimi
Elşən Abdullayev – Şirvan Kommersiya Məhkəməsinin hakimi
Elməddin Hüseynov – Bakı şəhəri Nəsimi Rayon Məhkəməsinin hakimi
Rəna Qafarova – Bakı şəhəri Səbail Rayon Məhkəməsinin hakimi

Şəki Apellyasiya Məhkəməsinə Etibar Mustafayev və Anar Əsgərov təyin olunublar.

Şirvan Apellyasiya Məhkəməsinə isə Fəxri Hacızadə və Nicat Ağabəyov təyinat alıblar.

Bundan əlavə, Nural Əliyev Gəncə Apellyasiya Məhkəməsinin hakimi vəzifəsindən azad olunub, Bilal Məmmədov isə Sumqayıt Apellyasiya Məhkəməsinə təyin edilib.

Qərarlar Milli Məclisin bugünkü iclasında qəbul olunub.

Gülnar Nazimqızı