MEDİA:İsrail-İran müharibəsində Azərbaycan ərazisindən istifadə ilə bağlı iddialar manipulyasiyadır

İsrailin İranla müharibəsi zamanı guya Azərbaycan ərazisindən istifadə etməsi ilə bağlı bəzi xarici media resurslarında yayılan iddialar dezinformasiya xarakteri daşıyır.Bu barədə Medianın İnkişafı Agentliyi məlumat yayıb.

Agentliyin məlumatına görə, iyunun 5-də "middleeasteye.net" və "haaretz.com" saytlarında dərc olunan materiallarda yer alan iddialar heç bir fakt və ya sübuta əsaslanmır.

Bildirilib ki, sözügedən məlumatlar kobud manipulyasiya nümunəsi olmaqla beynəlxalq ictimaiyyətdə çaşqınlıq yaratmağa, regional sabitliyə və dövlətlərarası münasibətlərə zərər vurmağa, eləcə də regionda gərginliyi artırmağa yönəlib.