Azərbaycan və Türkiyə arasında Şuşa Bəyannaməsinin imzalanmasından beş il ötür

Azərbaycan və Türkiyə arasında Şuşa Bəyannaməsinin imzalanmasından beş il ötür.

“Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” 2021-ci il iyunun 15-də Şuşada Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən imzalanıb.

Sənəd iki ölkə arasında siyasi, iqtisadi, təhlükəsizlik və müdafiə sahələrində əməkdaşlığın əsas istiqamətlərini müəyyən edir və Azərbaycan-Türkiyə münasibətlərinin müttəfiqlik səviyyəsində inkişafını nəzərdə tutur.

Şuşa Bəyannaməsi tərəflərin regional təhlükəsizlik, enerji, nəqliyyat və digər strateji sahələrdə əməkdaşlığını gücləndirməyi hədəfləyir. 

Şuşa Bəyannaməsi Azərbaycan və Türkiyə arasında münasibətlərin hüquqi bazasını möhkəmləndirən sənəd olmaqla yanaşı, regionda formalaşan yeni əməkdaşlıq mühitinin, sabitlik və inkişaf strategiyasının mühüm sütunlarından biridir.