Ukrayna Krımla ticarəti dayandırır

Ukrayna hökuməti Rusiyanın anneksiya etdiyi Krım region ilə ticarəti kəsib. Bu barədə hökumətin sərəncamı qüvvəyə minib.

Əsasən Krım tatarlarından ibarət ictimai fəallar evlərinə dönəcəklər, ancaq bəziləri bu yeni qaydanın necə icra olunacağına nəzarət edəcək. Həmin fəallar sentyabrın sonlarından bəri yarımadayla Ukraynanın qalan hissəsini birləşdirən yolu kəsmişdilər.

Kiyev ticarətin dayandırılması barədə dekabrın 16-da qərar verib.

Noyabrın 21-də yarımadaya gedən enerji xətləri kəsiləndən Krım işıqsız qalıb. Enerji verilişi bir müddət bərpa olunsa da, dekabrın 30-da yenidən sabotaj olunub. /Azadliq.org