Filippin prezidenti: BMT-ni yandıracağam

Oxu.Az TASS-a istinadən xəbər verir ki, bu barədə The Independent qəzeti məlumat yayıb. 

 

"İstəsəniz BMT-ni yandıraram. Amerikaya gedərsəm, BMT-ni yandıracağam”, - nəşr Filippin başçısının Zamboanqa şəhərində hərbi bazada çıxışı zamanı dediyi sözləri sitat gətirib. 

Qeyd edək ki, daha öncə dekabr ayında BMT-nin insan haqları üzrə komisarı Zeyd Raad əl-Hüseyn Filippin məhkəməsini Dutertenin Davao şəhərinin meri olarkən ən azı üç nəfəri güllələməsinə dair bəyanatı ilə əlaqədar araşdırma aparmağa çağırıb. 

71 yaşlı Duterte bu ilin iyun ayının 30-dan Filippin prezidentidir. Dövlət başçısı olduğu andan etibarən ölkədə narkotik vasitələrin satışı ilə mübarizə kampaniyası başlayıb, kampaniyanın gedişatında minlərlə insan ölüb. 

Daha öncə BMT-nin tənqidinə cavab olaraq Duterte Filippinin Beynəlxalq təşkilatın tərkibindən çıxacağını istisna etməmişdi.