Yazıçı Eduard Bağırov vəfat edib

Yaxınlarının  sözlərinə görə, son bir həftədə Bağırov komada olub. Onda orqan çatışmazlığının yarandığı bildirilir.

Bağırov yazıçı, publisist, "Qastarbayter", "Aşiqlər", "İdealist" romanlarının müəllifidir. 

 

1975-ci ildə Türkmənistanda anadan olub, onun atası azərbaycanlı, anası isə rusdur.1994-cü ildə Moskvaya köçüb.

2012-ci ildə Rusiyada keçirilən prezident seçkilərində Bağırov Vladimir Putinin etibarlı adamı olub, 2016-cı ildə yazıçı "Rusiya Vətənpərvərləri” partiyasından Dövlət Dumasına namizəd olub.

2015-ci ildə Bağırov kütləvi iğtişaşların təşkilində və mütəşəkkil cinayətkar qruplaşmada iştirakda ittiham olunduğu Moldovada qiyabi olaraq 5 il müddətinə azadlıqdan məhrum edilib.

Müstəntiqlərin fikrincə, o, 2009-cu il parlament seçkiləri zamanı təxribat xarakterli materialların yazılmasında iştirak edib, bundan sonra KİV-də "Twitter İnqilabı” adını alan Kişinyovda etirazlar başlayıb.

Bağırov Moldovada qiyabi mühakimə olunub, çünki o, qalmaqallı şəraitdə 2011-ci ilin payızında ev dustaqlığında olduğu ölkədən qaça bilib. Onun özü bildirib ki, onu Kişinyovdan Tiraspol vasitəsilə Odessaya avtomobilin yük yerində aparıblar, oradan bloger Rusiya pasportu ilə Moskvaya uçub.