Toyda mahnı sifarişinə görə 3 nəfər BIÇAQLANDI

Gəncədə toyda bıçaqlanma olub.
 
Daxili İşlər Nazirliyinin (DİN) Mətbuat Xidmətinin Gəncə regional qrupunun baş inspektoru Eşqin Qasımov bildirib ki, mayın 5-də Gəncə şəhər Baş Polis İdarəsinin 2-ci Polis Şöbəsinə Samux sakini Namiq Məmmədov, İmişli sakinləri Şəfaət İslamlı və onun həyat yoldaşı R. İslamlının kəsici-deşici alətlə, daxilə keçən müxtəlif bədən xəsarətləri alaraq xəstəxanaya yerləşdirilməsi barədə məlumat daxil olub.
 
Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində hadisəni törətməkdə şübhəli bilinən İmişli sakini Rüfət Həsənzadə saxlanılıb.
 
İlkin araşdırma zamanı müəyyən olunub ki, R. Həsənzadə şəhər ərazisindəki şadlıq saraylarından birində iştirak edən zaman musiqi sifarişinə görə N. Məmmədov ilə mübahisə edib, ona bıçaqla xəsarət yetirən zaman ona mane olmağa çalışan bacı və onun həyat yoldaşına( R. Həsənzadənin) da müxtəlif xəsarət yetirib.
 
Faktla bağlı araşdırmalara başlanılıb.


www.anews.az