Bakıda ilk dəfə “Holi Rənglər” festivalı - VİDEO

ANS TV-nin məlumatına görə, paytaxtda Mərdəkan qəsəbəsində yerləşən çimərliklərin birində gənclər rənglər festivalını reallaşdıra bilib. 

Günorta saatlarında baş tutan mərasimdə "Holi Rəngləri” havaya qalxıb.

350-dən artıq gəncin iştirak etdiyi festivalda hətta əcnəbi qonaqlar da iştirak edib.

Tədbirə gələnlərə "Holi Color” şouda iştirak etməklə bərabər məşhur dj-lərin ifasında ən müasir elektron musiqidən həzz almaq imkanı verilib.

Ərazidə quraşdırılan müxtəlif əyləncə atraksionları və oyunlar, voleybol və futbol meydançalarından istifadə də festivala gələnlərin ixtiyarında olub.

"Holi” Hindistan dövlətinin milli bayramıdır. Bu bayram özündə təbiətin rəngarəngliyi və insanla ətraf mühitin vəhdətini tərənnüm edir.

Məhz buna görə də, bu tarixi bayram hind mədəni irsinin bir hissəsidir və artıq yüz illərdir qeyd olunur.

Bütün dünyada bu festivala maraq çox böyükdür. 

Artıq iri şəhərlərin çoxunda bu festival keçirilir