Həmişəcavan İçərişəhər - FOTOLAR

Bəlkə də çox az adam tapılar ki, İçərişəhəri sevməsin. Hətta əksər adamlar müalicə məqsədilə bura gəlir, Bakının gur, avtomobil dolu küçələrindən, insanların səs-küyündən qaçıb İçərişəhərin dolanbac küçələrində gəzişir, qulaqlarının, beyninin, gözlərinin dincəlməsinin qayğısına qalır. Küçələrinə döşənmiş daşlar üzərində gəzişdikcə, əsrlərin o tayından boylanan divarlarına, tikililərinə baxdıqca insan belə bir mədəniyyətə, mirasa malik olduğu üçün qürurlanmaya bilmir.

 

İçərişəhərə gələsən və buradakı antik, əl işləri dükanlarına baş çəkməyəsən, bu, mümkün deyil. Miniatür üslübunda içərisi bəzədilmiş boşqablar, fənarlar, rəsm əsərləri, milli atributlarımız, təsbehlər, ipək şallar və hələ sadalaya bilmədiyimiz əşyalar nəinki turistlərin, sadə azərbaycanlıların da hər vaxt diqqətini cəlb edib, almasa belə onlara tamaşa etməkdən xüsusi zövq alıb.

 

İçərişəhərin əsrarəngiz gözəlliyini bir daha oxucuların diqqətinə çatdırmağı özümüzə borc bildik.