Fərhad Qəhrəmanlının "Yaz" fərdi sərgisi - REPORTAJ

Bir müddət əvvəl Rəssamlar İttifaqının Vaciə Səmədova adına sərgi salonunda azərbaycanlı rəssam Fəxrəddin Qəhrəmanlının fərdi sərgisinin təntənəli açılış mərasimi keçirildi. Sərgini Azərbaycan Mədəniyyət və Turizm nazirliyinin dəstəyi ilə Rəssamlaq ittifaqı təşkil etmişdi. 

Sərginin açılışında rəssamın dostları, həmkarları, tələbələr və sənətsevərlər iştirak edirdilər. Ona görə də sərgi salonu adamla dolu idi. Tədbirin açılış nitqini Rəssamlar İttifaqının katibi, xalq rəssamı Ağəli İbrahimov etdi, o qonaqları salamladı və Qəhrəmanlının yaradıcılığı haqqında danışdı, rəssamı sərgi münasibətiylə təbrik etdi və uğurlar arzuladı. 

Fəxrəddin Qəhrəmanlı Bakı auditoriyasına yağlı boyada və akvareldə çəkdiyi şəkilləri təqdim edirdi. Rəssamın "nəmli akvareli" qonaqların böyük marağına səbəb olmuşdu. Rəsmlər isə Azərbaycan təbiətinin gözəlliyini əks etdirirdilər. 

Fəxrəddin Qəhrəmanlı 1957-ci ilin 8 aprelində Naxçıvanda müəllim ailəsində doğulub. 1988-ci ilin Azərbaycan Dövlət İncəsənət İnstitutunu bitirib. O, bir müddət Türkiyədə də fəaliyyət göərib. Rəssam Fransada, Almaniyada, İtaliyada, Belçikada, Hollandiyada, Belorusda, Ukraynada və öz doğma ölkəsində keçirilən sərgilərdə iştirak edib. Qəhrəmanlı 2005-ci ildən bəri Azərbaycan Rəssamlar İttifaqının üzvüdür. Hazırda rəssam Azərbaycan Dövlət İncəsənət Universitetində "Təsviri sənət" kafedrasının pedaqoqudur. 

Elmi, təhsili, maarif və mədəniyyəti təbliğ edən ANN.Az xəbər portalı paytaxtımızda baş tutan mədəniyyət hadisələrini işıqlandırmaqda davam edir. Bu dəfə oxucularımıza Fəxrəddin Qəhrəmanlının "Yaz" adlı fərdi sərgisindən fotoları təqdim edir. 

Xoş seyrlər: