Yeni nəsil Azərbaycan rəssamları - FOTOLAR

Lyubov QasımovaAzərbaycanın gənc və istedadlı rəssamları - köhnə rəssamlıq ənənələrimizin davamıdır.Biz hamımız dünya miqyaslı Azərbaycan rəssamlarımızı tanıyırıq və onlarla fəxr edirik. Bu siyahıda - Toğrul Nərimanbəyov, Səttar Bəhlulzadə, Nazim Məmmədov, Tahir Salahov, Arif Hüseynov, Səkinə Məmmədova, Çingiz Əzizov, Salhab Məmmədov, Ömər Eldarov, Əşrəf Qeybət, Səhhət Veysov və bir çoxları var.Amma bizdə yeni, həm də istedadlı rəssamlar və heykəltəraşlar dəstəsi yetişir, onları təsdiq edən isə əl işləridir. Kiminsə şəxsi sərgisi keçirilir, kimsə yalnız təcrübə qazanmaq üçün yığmalarda iştirak edir. Onların işləri peşəkardır və çox gözəldir, bu haqda sərgilərin ziyarətçiləri danışırlar. Bir çox rəssamların və heykəltəraşların artıq sadiq pərəstişkarları var. Bizim korifey rəssamlarımız da həmçinin onların istedadını təsdiqləyirlər və buna görə də onların yaradıcılıq yolundakı irəliləyişlərinə hər cür imkan yaradırlar.İstedadlı və perspektivli rəssam kimi xüsusən Günel Ravilovanı qeyd etmək istərdim. O, artıq Azərbaycan Rəssamlar İttifaqının üzvüdür. O, xəyalında canlandırdığı bir çox gözəl rəsmlərin müəllifidir. Hər şəkildə o, nəsə bir yenilik edir. Günelin bütün rəsmləri onun daxili duyğuları, yuxuları və həyatının müxtəlif anlarıyla əlaqəlidir.Vüqar Əli öz istedadı və maraqlı rəsmləri ilə çoxdan incəsənət həvəskarları arasında məşhurdur. O, daim yaradıcılıq prosesində olan bir insandır. Onun rəsmlərində əks olunan zərif qadınlar, koloritli Azərbaycan kişiləri, milli ornamentlər, müdriklik quşları, Buzovna qəsəbəsinin küçələri yerli rəsm həvəskarlarında heyran doğurur. Pərəstişkarları onun rəsmlərini alırlar, bu rəsmləri sərgilərdə və feysbuk səhifələrində görmək mümkündür.Anar Hüseynzadə - Rəssamlar İttifaqının üzvüdür, o, həm Azərbaycanda, həm də ölkə xaricində bir çox sərgilərdə iştirak edib. Bu il Muzey mərkəzinin sərgi salonunda isə onun şəxsi sərgisi keçirilib. Bu sərgi genişmiqyaslı idi, onun əl işlərini hətta 5 zalda yerləşdiriblər. Burada Abşeron, abstraksiya, şamanlığın ruhu, həyat fəlsəfəsi barədə əl işləri var. Gənc rəssamın nəhəng işi nümayiş etdirilib. Ziyarətçilər üstünlüyü Anar Hüseynzadənin rəsmlərinə veriblər.Bu istedadlı rəssamlar Azərbaycan rəssamlıq ənənələrinin davamçılarıdırlar. ANN.Az