Xanım Qafarova: “İki-üç gün idi, özümü narahat hiss edirdim...”

“Xəstəxanaya yerləşdirilməmişəm. İki-üç gün idi, özümü narahat hiss edirdim, bu gün xəstəxanaya getdim ki, özümü yoxlatdırım”.Bunu APA-ya açıqlamasında əməkdar artist, Musiqili Teatrın aktrisası Xanım Qafarova deyib. Onun sözlərinə görə, növbəti dəfə kimyaterapiya olunmaq üçün əlavə qana ehtiyac olub: “Həkimlər dedilər, qanım çox azalıb, kimyaterapiya üçün mütləq qan köçürülməlidir. İki-üç gündən sonra yenə müayinə olunacağam. Vəziyyətim normal olsa, ya Bakıda, ya da Türkiyədə kimyaterapiya qəbul edəcəyəm”. Qeyd edək ki, X. Qafarova süd vəzisi xərçəngindən əziyyət çəkir. Aktrisa bir müddət əvvəl Türkiyədə müalicə alıb.ANN.Az