Nəcəf bəy Vəzirovun yeni biblioqrafiyası nəşr olundu

 Görkəmli Azərbaycan dramaturqu Nəcəf bəy Vəzirovun yeni biblioqrafiyası “Elm və təhsil” nəşriyyatında çapdan çıxmışdır.Azərbaycan Milli Elmlər Akademiyasının Məhəmməd Füzuli adına Əlyazmalar İnstitutundan AzərTAc-a bildirmişlər ki, kitaba N.Vəzirovun həyat və fəaliyyətinin əsas tarixləri, haqqında elm xadimlərinin fikirləri, nəşr edilmiş felyeton, məqalə və kitabları, oynadığı tamaşalar, ona həsr edilmiş məqalə və kitablar, dissertasiyalar barədə məlumat toplanmışdır.Nəşrin tərtibçi və “Ön söz”ün müəllifi Əlyazmalar İnstitutunun elmi işçisi Əzizə Ələkbərova, elmi redaktoru isə filologiya üzrə elmlər doktoru Paşa Kərimovdur.ANN.Az