Fikrət Qocanın kitabı İtaliya nəşriyyatında

İtaliyanın "Treditre Editori” nəşriyyatında xalq şairi Fikrət Qocanın "Şərqin səsləri” kitabı çap olunub.

ANN.Az AzərTAc-a istinadə xəbər verir ki, Azərbaycan Yazıçılar Birliyinin mətbuat xidmətindən bildirilib ki, çap olunan kitabın üz qabığında Franko Marrokkonun "Büllur güllü bağ”, axırıncı səhifəsində isə Serena Nononun "Ağcaqayınlar” tabloları verilib.

Şeirləri italyan dilinə Davide Gualtieri tərcümə edib. Kitabda Davide Gualtierinin Fikrət Qocanın və Viktor Permiakovun yaradıcılıqları haqqında məqalələri də çap olunub.

Kitabda yer alan Fikrət Qocanın "Haqdan soruşur”, "Görmürəm”, "Nuhun gəmisidi yer üzü”, "Fırlanıram vals, vals, vals”, "Bu yaşımda, bu gün”, "Yarımçıq iş” şeirləri İtaliya oxucularının ixtiyarına verilib.

ANN.Az