“Oda” Teatrı Azərbaycanın rayonlarına qastrola gedir

Müstəqil "Oda” Teatrı Biləsuvar rayonuna qastrol səfəri edəcək - narkomaniya əleyhinə olan tamaşalarla çıxış edəcək.

Bu barədə teatrın təsisçi və bədii rəhbəri Elmin Bədəlov məlumat verib: 

"Orda 3 gün olacağıq. İstəyirik ki, nəinki Bakıda, hətta regionlarda da "Oda” Teatrını tanısınlar. Başqa rayonlara da səfər etmək istəyirik. Onlar arasında Şəki və Göyçay da olacaq. Bu rayonlarda yaşayan insanlardan da bizə təkliflər gəlib.

Biləsuvarda "Bəyaz Şedevr” tamaşası ilə çıxış edəcəyik. Tamaşa vasitəsilə narkomaniyanın yaydığı bəlalar göstəriləcək. Dövlət də bu problemin həlli üçün bir çox proqramlar həyata keçirib. Biz də istəyirik ki, rayon insanına, xüsusən də məktəblilərə bu probleml haqda bilgi çatdıraq”.