ATƏT PA-nın Cənubi Qafqaz üzrə yeni xüsusi nümayəndəsi təyin olundu

Milli Məclisin mətbuat xidmətindən Oxu.Az-a verilən məlumata görə, bu barədə ATƏT Parlament Assambleyasının baş katibi Roberto Montellanın Milli Məclisin qurumdakı nümayəndə heyətinin rəhbəri Bahar Muradovaya ünvanladığı təşəkkür məktubunda qeyd edilir.

 

Bildirilir ki, yeni nümayəndə region üçün mühüm əhəmiyyət daşıyan məsələlərin həllində səylərini əsirgəməyəcək və bu işi daha da canlandıracaq.

 

Roberto Montella bu yaxınlarda Bakıya səfəri zamanı keçirdiyi görüşləri məmnuniyyətlə xatırlayaraq, səfər çərçivəsində müzakirə olunmuş məsələlərin əhəmiyyətini qeyd edir, ATƏT PA rəhbərliyinin Azərbaycanla əlaqələrinin bərpası üçün yaranmış fürsəti yüksək dəyərləndirir. O, özünün rəhbərliyi altında çalışan ATƏT PA-nın Beynəlxalq Katibliyinin tam qərəzsiz şəkildə təkcə ATƏT parlamentariləri deyil, ATƏT regionunun bütün xalqları naminə işləyəcəyini bildirir. 

 

Qeyd edək ki, indiyədək ATƏT PA-nın Cənubi Qafqaz üzrə xüsusi nümayəndəsi Joao Suareş olub.