Hikmət Hacıyev: "Erməni vəhşilikləri beynəlxalq ictimaiyyətə çatdırılmalıdır"

"Ermənistan silahlı birləşmələrinin Azərbycanın mülkü vətəndaşlarına qarşı həyata keçirdikləri vəhşilikləri beynəlxalq ictimaiyyətin diqqətinə çatdırmaq üçün mütəmadi olaraq belə səfərlər təşkil olunur".

"Report"un Qarabağ bürosunun məlumatına görə, bunu Xarici İşlər Nazirliyinin (XİN) mətbuat xidmətinin rəhbəri Hikmət Hacıyev Azərbycanda akkreditasiya olunmuş xarici diplomatik nümayəndələrin Ağdam və Tərtər rayonlarına səfəri ilə bağlı jurnalistlərə açıqlamasında deyib.

XİN-nin sözçüsü bildirib ki, cəbhə xəttinə bu kimi səfərlər mütəmadi təşkil olunacaq: "Bu gün cəbhə xəttinə Azərbycanda akkreditasiya olunmuş xarici diplomatik nümayəndələrin rəhbərinin səfəri təşkil olunub. Nümayəndələr ermənilərin ağır artilleriya qurğuları ilə Tərtər və Ağdam rayonu ərazisində yaşayış məntəqələrini atəşə tutması nəticəsində yerli sakinlərə dəyən ziyanla yerində tanış olublar. Məqsəd Azərbycanın haqq-ədalət səsini beynəlxalq ictimaiyyətin diqqətinə çatdırmaqdır. Biz bu kimi səfərləri mütəmadi təşkil edəcəyik".
www.ann.az