Nazir: Prezidentlərin növbəti görüşünün təşkilində ləngimə var

Oxu.Az-ın məlumatına görə, bu sözləri Azərbaycan xarici işlər naziri Elmar Məmmədyarov italiyalı həmkarı ilə keçirdiyi mətbuat konfransında deyib. 

Nazir bildirib ki, Sankt- Peterburq görüşündən sonra Azərbaycan Dağlıq Qarabağ münaqişəsinin həllində irəliləyiş olacağına ümid edirdi.

"Bizdə ümid yaranmışdı ki, düz istiqamətdə işləyirik və nəticə ola bilər. Təəssüf ki, ümidlərimiz hələki doğrulmayıb. Çünki Ermənistan tərəfi irəliləyişə hazır deyil. Onlar özləri də etiraf edirlər ki, status kvonu dəyişməyə hazır deyillər. 

Hazırda Hamburqda görüş planlaşdırılır. Həmsədrlərin belə bir təklifi var. Azərbaycan tərəfi Hamburqda görüşə razılıq verib. İstəyərdim ümidverici söz deyim, amma görünür Ermənistan tərəfi məsələni ləngidir”, - E.Məmmədyarov deyib.