Azərbaycanın Əfqanıstana silah daşıması xəbəri haqda - AÇIQLAMA

Çexiyadakı səfirliyimiz Azərbaycan vasitəsilə Yaxın Şərqə silahın çatdırılması haqqında çex KİV-ində dərc olunan yazılarla bağlı bəyanatla çıxış edib.


Virtualaz.org-un məlumatına görə, səfirlikdən qeyd ediblər ki, Azərbaycan NATO ilə, həmçinin ABŞ-la beynəlxalq terrorizmlə və radikal qruplarla mübarizə çərçivəsində sıx əməkdaşlıq edir, həmçinin Əfqanıstanda və başqa ölkələrdə sülh missiyasının reallaşdırması üçün silah nəqlində Alyansa köməklik göstərir.


Bəyanatda deyilir ki, qanunsuz silah daşınmasında Azərbaycanın iştirakı haqqında istənilən yalan erməni təbliğatının təsiri altında formalaşdırılır.


Bəyanatda vurğulanır ki, beləliklə, Silk Way Airlines-in hərbi texnikanın daşınmasında iştirakı haqda deyilənlər uğursuz dezinformasiya cəhdidir: "Belə informasiyanın cəfəngiyat olduğunu o fakt da təsdiqləyir ki, hərbi texnikanın tranzitinə xüsusi icazə olmadan diplomatik kanallar vasitəsilə silah daşınması mümkün deyil”.




www.anews.az